आर्थिक मामिला तथा योजना मन्त्री वोहराद्धारा राजिनामा

धनगढी

 सुदूरपश्चिम प्रदेशका आर्थिक मामिला तथा योजना मन्त्री झपटबहादुर बोहराले राजीनामा दिएका छन् । मन्त्री वोहराले केही बेर अघि मन्त्रालयमै पत्रकार सम्मेलन गरि राजिनामा गरेको घोषणा गरेका हुन् ।

बोहरालाई ओली समूहको केन्द्रीय सदस्यमा नियुक्त गरिएको  छ । बोहराले पत्रकार सम्मेलनमा  आफू ओली समूहमै रहेको घोषणा समेत गरेका छन् । बोहरा २०७४ सालमा भएको निर्वाचनमा अछाम क्षेत्र नम्बर २ को प्रदेश ‘ख’ बाट निर्वाचित भएका थिए ।

  केही दिन अघि सुदूरपश्चिम प्रदेशका भौतिक पुर्वाधार विकास मन्त्री पठानसिं वोहोरालाई मुख्यमन्त्री त्रिलोचन भट्टले बर्खास्त गरेका थिए । आज राजिनामा गरेका बोहरा संगै सुदूरपश्चिममा ओली समूहमा ७ जना प्रदेशसभा सदस्य खुलेका छन् ।