शुक्रबार सुदूरपश्चिममा थप १५ जनामा कोरोना पुष्टि

धनगढी

  सुदूरपश्चिम प्रदेशमा शुक्रबार थप १५ जनामा कोरोना संक्रमण पुष्टि भएको छ ।  पछिल्लो २४ घण्टामा प्रदेशका ३ वटा प्रयोगशालामा गरि १ सय ३७  नमूना परीक्षण गर्दा १५ जनामा संक्रमण पुष्टि भएको   हो ।

  सामाजिक विकास मन्त्रालयका प्रवक्ता नरेन्द्र कार्कीका अनुसार सेती प्रादेशिक अस्पतालको प्रयोगशालामा १ सय २८ जनाको नमूना परीक्षण गर्दा १४ जनामा संक्रमण पुष्टि भएको र जिल्ला अस्पताल डोटीको प्रयोगशालामा ८ जनाको परीक्षण गर्दा १ जनामा संक्रमण पुष्टि भएको छ ।

  जिल्ला अस्पताल बैतडीको प्रयोगशालामा भने १ जनाको नमूना परीक्षण गर्दा रिपोर्ट नेगेटिभ आएको कार्कीले बताए ।