जीएआरएस ट्रेडिङद्धारा निसानको म्याग्नाइटको सुदुरपश्चिमममा बिक्री खुला

धनगढी

 निसान ब्राण्डको सुदुरपश्चिमका लागि आधिकारिक बिक्रेता  जीएआरएस ट्रेडिङले निसानको बी–एसयुभी म्यागनाइटको बिक्री खुला गरेको छ । नेपालमा म्याग्नाइटको सार्वजनिकीकरण भएको दोश्रो दिन मंगलबार नै जीएआरएसले म्याग्नाइटको बिक्री खुला गरेको हो ।  

 धनगढीमा आयोजित कार्यक्रममा बहुप्रतीक्षित ‘बिग, बोल्ड, ब्युटिफुल’ बी–एसयुभी म्याग्नाइटको कैलाली उद्योग वाणिज्य संघका अध्यक्ष पुष्पराज कुवर र जीएआरएस ट्रेडिङका प्रवन्ध निर्देशक अशोक पाण्डेयले सार्वजनिक गरेका हुन् ।

 सो अवसरमा प्रवन्ध निर्देशक पाण्डेयले भारतमा उत्पादन भएको म्याग्नाइट भारतपछि नेपालमा नै बिक्री खुला गरिएको बताए ।  “उच्च गुणस्तरका कारण भारतमा बिक्री खुला गरेको छोटो समयमै ठुलो संख्यामा  बिक्री भएको छ ।” पाण्डेयले भने  “नेपालमा पनि यसको राम्रो माग आएको छ ।”

   यो एसयुभीमा स्पोर्टी लुक्स सहित एलइडी हेडल्याम्प, एलइडी डिआरएल, फ्लोटिङ रूफ, डुअल टोन बडी पेन्ट, डुअल टोन रियर बम्पर जस्ता विशेषता रहका छन् । निसान म्यागनाइट १.० लिटर पेट्रोल इन्जिनको दुईवटा भेरियन्टमा उपलब्ध हुने कम्पनीले जनाएको छ  ।

  पाण्डेका अनुसार यसमा एउटा नेचुरली एसपिरेटेड र अर्को टर्बोचाज्र्ड इन्जिने छ । यो गाडीमा आठ इन्च फुल फ्लस टचस्क्रिन इन्फोटेन्मेन्ट सिस्टम, सात इन्च टिएफटी ड्राइभ असिस्ट डिस्प्ले, टायर प्रेसर मोनिटर सिस्टम, क्रुज कन्ट्रोल, ३६० डिग्री क्यामेरा लगायत विभिन्न फिचर उपलब्ध रहेका छन्  ।

  कैलाली उद्योग वाणिज्य संघका अध्यक्ष कुवरले फोर व्हील अहिले आवश्कयताको बिषय बनिसकेको र म्याग्नाइटका आकर्षक बिशेषताका कारण चाँडै उपभोक्ताहरुको पहिलो रोजाई बन्ने बताए ।