धनगढीमा रहेको नेकपा पार्टी कार्यालयमा नेकपा एमालेलेको ब्यानर लगाईयो

धनगढी

   सुदूरपश्चिम प्रदेशको हाल राजधानी रहेको  धनगढी स्थित पार्टी कार्यालयमा नेकपा एमाले पार्टीको नाम लेखिएको ब्यानर टाँगिएको छ ।  तत्कालिन नेकपा ओली समुहका प्रदेश अध्यक्ष कर्ण थापा र कैलाली जिल्ला अध्यक्ष रतन थापाले संयुक्तरुपमा नेकपा एमाले लेखेको ब्यानर टाँगेका हुन ।

 आइतबार सर्वोच्च अदालतले नेकपाको आधिकारिकता ऋषि कट्टेललाई दिँदै एमाले र माओवादी केन्द्रलाई व्युँताइदिएपछि एमालेले पार्टी कार्यालयमा नाम र साइनबोर्ड राख्न लागेको   हो । यसैक्रममा धनगढीमा रहेको पार्टी कार्यालयको नेता तथा कार्यकर्ताहरुले निरिक्षण पनि गरेका छन् । तत्कालिन नेकपा ओली समुहका प्रदेश अध्यक्ष कर्ण थापाले ब्यानर टाँस्दै अब देखि नेकपा एमाले पार्टीका सम्पुर्ण गतिबिधि यसै कार्यालय मार्फत हुने बताए । उनले भने–‘आजबाट एमाले कार्यालय बिधिबत संचालन भएको छ, सबै नेता तथा कार्यकर्तालाई कार्यालयमा आउन आग्रह गर्दछु ।’

 तत्कालिन एमाले हुँदा कैलाली जिल्ला अध्यक्ष दिर्घ सोडारी रहेका थिए । तर आज एमालेको ब्यानर टाँस्ने कार्यक्रममा उनी लगायत उनि पक्षिय नेता भने सहभागि छैनन् ।

तत्कालिन नेकपामा विवाद भई दुई धारमा बिभाजित भए यता धनगढी स्थित यो कार्यालय बन्द रहेको थियो । एमाले र माओवादी केन्द्र एकिकरण हुनु अघि सम्म एमालेको आफ्नै भवन हो । यता कैलालीकै टीकापुरमा पनि एमालेको ब्यानर राखिएको छ । नेकपा टीकापुरका नेता तथा नगर प्रमुख तपेन्द्र रावल, नेता श्याम खत्री लगायतको उपस्थितीमा टीकापुर स्थित कार्यालयमा ब्यानर टाँगिएको हो ।