कैलाली बिद्या निकेतन र अपि बिद्या निकेतनको बिजयी शुरुआत

धनगढी

 मेयर उपमेयर प्याब्सन कप छात्रा क्रिकेट प्रतियोगितामा कैलाली बिद्या निकेतन र अपि बिद्या निकेतनले बिजयी शुरुआत गरेका छन् ।

 धनगढीमा मंगलबार शुरु भएको प्रतियोगिताको छात्र तर्फको खेलमा ग्ली एकेडेमीलाई पराजित गर्दै कैलाली बिद्या निकेतन बिजयी भएको हो । त्यस्तै छात्रा तर्फको खेलमा स्टोन ब्रिजलाई पराजित गर्दै अपि बिद्या निकेतनले जित हात पारेको हो ।

   छात्रतर्फको खेलमा कैलाली बिद्या निकेतनले टस जितेर फिल्डिङ रोजेपछि ब्याटिङ  शुरु गरेको ग्ली एकेडेमीले ७९ रनमा अल आउट भएको थियो । ८० रनको लक्ष्य कैलाली बिद्या निकेतनले सहजै हात पारेको थियो ।

 छात्रातर्फको खेलमा अपि बिद्या निकेतनले स्टोन ब्रिजलाई सहजै पराजित गरेको थियो ।

 छात्रतर्फको खेलमा कैलाली बिद्या निकेतनका मीन शाही म्यान अफ द म्याच र छात्रा तर्फको खेलमा अपि बिद्या निकेतनकी अस्मिता धामी  विमेन अफ द म्याच घोषित भएका छन् ।

   प्याब्सन धनगढी नगर कमिटीले आयोजना र धनगढी उपमहानगरपालिकाले प्रवर्धन गरेको उक्त प्रतियोगितामा छात्र तर्फ १९ बिद्यालय र छात्रातर्फ ११ बिद्यालयको सहभागिता रहेको छ ।  प्रतियोगिता चैत १२ गतेसम्म सञ्चालन हुनेछ ।