सामाजिक काम गर्दै कुमारी वैकले मनायो २० औं बार्षिकोत्सव

धनगढी

 विभिन्न सामाजिक काम गर्दै कुमारी बैंक लिमिटेडले आफ्नो २० औं बार्षिकोत्सव कार्यक्रम सम्पन्न गरेको छ ।

 शनिबार प्रदेश कार्यालय सहित सवै जिल्लाका शाखा कार्यालयले सामाजिक कार्यक्रम आयोजना गर्दै २० औं बार्षिकोत्सव कार्यक्रम मनाएको बैंका प्रदेश प्रमुख दिपक खनालले बताए ।

 २० औं बार्षिकोतसव कार्यक्रमका अवसरमा प्रदेश कार्यालय र कन्चनरपुर शाखको सुंयुक्त आयोजनामा महेन्द्रनगर बजारमा सरसफई कार्यक्रम गरिएको प्रबन्धक खनालले बताए ।

 सरसफई कार्यक्रममा जिल्लाप्रहरी कार्यालय कञ्चनपुर संग समेत समन्वय गरिएको उनले बताए । सरसफई कार्यक्रम पछि कुमारी बैकले महेन्द्रनगर बजार क्षेत्रमा डस्टविन समेत राखेको छ ।

 कार्यक्रममा कन्चनपुर शाखाका शाखा प्रवन्ध जनक राज चटौत तथा शाखा काकर्मचारी, प्रदेश कार्यालयका कर्मचारी तथा नगर प्रहरी, जनपथ प्रहरी र ट्रयाफिक प्रहरी गरि करीव ६० जनाको उपस्थि रहेको थियो ।

 २० औं बार्षिकोत्सव कार्यक्रमकै अवसरमा वैंकको धनगढी शाखाले शिवपुरी धाममा सरसफाई गर्दै डस्टविन वितरण गरेको छ । कार्यकममा धनगढी उप–महानगरपलिका–४ का वडाध्यक्ष दीपक थापा र शिवपुरी धामका उपाध्यक्ष सहित बैंकका कर्मचारीको सहभागिता रहेको खाशा प्रवन्धक नारायण भण्डारीले वताए ।

 सोही अवसरमा धनगढी स्थित क्याम्पस चोकमा रहेको कुमारी बैंकको शाखाले पनि धनगढी– ७ मा सरसफई र डस्टविन वितरण गरेको छ । कार्यक्रममा वडाध्यक्ष सिताराम राना लगायतको उपस्थिती रहेको क्याम्पसरोड शाखाका शाखा प्रबन्धक नरराज गिरीले बताए ।

 २० औं बार्षिकोत्सव कार्यक्रमका अवसरमा वैकको अत्तरिया शाखाले गोदावरी धाममा तथा पिकनिक स्पटमा सरसफई गुर्नका साथै ट्रयाफिक प्रहरी कार्यालयलाई डस्टविन वितरण गरेको अत्तरिया शाखाका शाखा प्रवन्धक कृष्ण वहादुर पालले वताए ।

 सोही अवसरमा वैंकको लम्की शाखाले लम्की वहुमखी क्याम्पसमा वृक्षरोपण कार्यक्रम गरेको छ । यसैगरी लम्की स्थित लायन्स क्लव अफ लम्कीसंग सहकार्य गरी लम्की वजार क्षेत्रमा किटनासक औषधी समेत छर्किएको शाखा प्रवन्धक पवन आचार्यले वताए ।

 यस्तै डडेल्लधुरा शाखाले उग्रतारा मन्दिर परिसरमा सरसफई गर्दै मन्दिरमा डस्टवीन समेत राखिएको वैकका प्रवन्धक चन्द्रप्रकाश चटौतले वताए ।

 यस्तै वैतडीको डिलाशैनी गाउँपालिकाम रहेको शाखाले सो क्षेत्रको वेतालेश्वर मन्दिरमा सरसफाइ गरी डस्टवीन वितरण गरेको शाखा प्रबन्धक निरज खरेलले बताए ।

 यस्तै बझाङ स्थित दुर्गाथली गाउँपालिकाको शाखाले सो क्षत्रमा वृक्षरोपण तथा सरसफा कार्यक्रम गरेको शाखा प्रवन्धक ओमकार ढुंगानाले बताए ।

 कुमारी बैंक लिमिडेडले देशभरका १ सय ९२ वटा शाखा, १ सय ६२ एटिएम केन्द्र, २५ शाखा रहित वैकिङ्ग सेवा तथा १३ एक्सटन्सन काउन्टर र केविल रेमिटेन्स मार्फत वित्तिय सेवा समेत प्रदान गर्दै आएको छ ।