आइतबार थप ३६ जनामा कोरोना पुष्टि

धनगढी

 भारतका विभिन्न स्थानबाट गौरिफण्टा नाका हुँदै सुदूरपश्चिम भित्रिएका ३६ जनामा कोरोना संक्रमण पुष्टि भएको छ ।

 धनगढी उप–महानगरपालिकाका स्वास्थय निरिक्षक लक्ष्मीराज उपाध्यायका अनुसार आइतबार भारतबाट आएका ८ सय ५६ जनाको ‘एन्टिजेन’ परिक्षण गर्दा ३६ जनामा कोरोना संक्रमण पुष्टि भएको हो ।

 ती नागरिकलाई छुट्टै सवारीको व्यवस्थापन सहित घरकै होम आइसोलेसनमा बस्न सुझाव दिइएको स्वास्थय निरिक्षक उपाध्यायले बताए  ।

 पछिल्लो समय भारत बाट नेपाल आउने नागरिक मध्य कोरोना  संक्रमण पुष्टि हुने नागरिकको संख्या बढ्न थालेको छ ।

 शनिबार पनि भारतबाट आएका मध्य ३६ पुरुष र १० महिला गरी ४६ जनामा कोरोना संक्रमण पुष्टि भएको थियो ।

 त्यसैगरी शनिबार नै भारतबाट आएका ३ जना नागरिकमा नयाँ प्रजातिको कोरोना संक्रमण पुष्टि भएको थियो ।