सुदूरपश्चिम प्रदेश प्रमुखमा यादव र गण्डकी प्रदेश प्रमुखमा पौडेल नियुक्त

  राष्ट्रपति विद्यादेवी भण्डारीले सुदूरपश्चिम प्रदेशको प्रमुखमा गंगाप्रसाद यादव र गण्डकी प्रदेशको प्रमुखमा सीता पौडेललाई नियुक्त गरेकी छिन् । सुदुरपश्चिम र गण्डकी प्रदेश प्रमुखलाई हटाइएको केही बेरमा नै दुवै प्रदेशमा नयाँ प्रदेश प्रमुख नियुक्त गरिएका हुन् ।

  यसअघि मन्त्रिपरिषद्को बैठकले पौडेल र यादवलाई प्रदेश प्रमुखमा नियुक्त गर्न राष्ट्रपति समक्ष सिफारिस गरेको थियो ।

   गण्डकीमा अमिक शेरचन र सुदूरपश्चिममा शर्मिला त्रिपाठी प्रमुख थिए । सरकारको सिफारिसपछि राष्टपतिले आज नै शेरचन र त्रिपाठीलाई पदमुक्त गरेकी थिइन् ।