धनगढीका ८७ सहित १२८ जनामा कोरोना संक्रमण

धनगढी

 सेती प्रादेशिक अस्पताल धनगढीमा गरिएको परिक्षणमा धनगढी उपमहानगरपालिकाका ८७ जना सहित  १ शय २८ जनामा कोरोना संक्रमण पुष्टि भएको छ ।

  पछिल्लो २४ घण्टामा १ शय ८५ जनाको परिक्षण गरिएकोमा सबै  भन्दा बढी धनगढी उपमहानगरपालिकाका ५५ पुरुष र ३२ महिला गरि ८७ जनामा कोरोना संक्रमण पुष्टि भएको सेती प्रादेशिक अस्पतालका सुचना अधिकारी दिलप श्रेष्ठले बताएका छन् ।

 सुचना अधिकारी श्रेष्ठका अनुसार धनगढी उपमहानगरपालिका बाहेकको कैलाली जिल्लाका बिभिन्न पालिकाका ९ महिला र ९ पुरुष गरि १८ जना र कैलाली बाहेकका जिल्लाका ८ महिला र ८ पुरुष गरि १६ जनामा कोरोना संक्रमण पुष्टि भएको छ ।

  पछिल्लो २४ घण्टामा धनगढीस्थित कोभिड हस्पिटलमा १६ जना बिरामी भर्ना भएका छन् भने ११ जना कोरोना संक्रमित निको भएर घर फर्किएका छन् ।