प्रयोगशालाको आग्रहपछि धनगढी उपमहानगरपालिकाद्धारा स्वाब संकलन रोकियो

धनगढी

 संकलित नमुनााके परिक्षण समयमै हुन नसक्ने भएपछि नयाँ धनगढी  उपमहानगरपालिकाले स्वाव संकलन कार्य ३ दिनका लागि रोकेको छ ।

धनगढीमा कोरोनाको परिक्षण गर्दै आएको  सेती प्रादेशिक अस्पतालमा रहेको पिसिआर परीक्षण प्रयोगशालाको क्षमता भन्दा बढी स्वाव संकलन भएपछि धनगढी उपमहानगरपालिकाले  स्वाब संकलन कार्य रोकेको हो ।

 “सेतीको कोरोना परिक्षण प्रयोगशालाले स्वाब संकलन रोक्न आग्रह गरेको छ ।”     धनगढी उप–महानगरपालिका कोभिड फोकल पर्सन स्वास्थ्य निरीक्षणक लक्ष्मीराज उपाध्यायले भने “कोरोना  परिक्षण प्रयोगशालाले स्वाब नपठाउन भनेपछि हामीले स्वाब संकलन रोकेका छौं ।” उपमहानगरपालिकाले शनिवार, आईतबार र सोमबार गरि तीन दिन स्वाब संकलन गर्ने छैन ।

  उपाध्यायका अनुसार उपमहानगरपालिकाले त्यसपछि निरन्तरता दिनेछ । धनगढी उपमहानगरपालिकाले आफ्नै परिसरमा हरेक दिन निःशुलक स्वाब संकलन गरेर परिक्षणका लागि सेती प्रादेशिक अस्पतालको प्रयोगशालामा पठाउने गरेको छ । गत बर्ष कोरोना संक्रमण बढेपछि शुरु गरिएको स्वाब संकलन केही समय रोकिए पनि कोरोना संक्रमण फेरि बढ्न थालेपछि स्वाब संकलन पनि पुनः शुरु गरिएको हो ।