किसान सहकारीद्धारा अक्सिजन बैंकको स्थापना

धनगढी  ।  कोरोना संक्रमणको बढ्दो क्रमसँगै देखा परेको अक्सिजनको अभाव कमी  गर्न किसान सहकारी संस्था लिमिटेडले किसान अक्सिजन बैंकको स्थापना गरेको छ । कैलालीको लम्कीमा केन्द्रिय कार्यालय रहेको  किसान सहकारीले दश लाख रुपैयाँको बीउ पुजी स्थापना गरेर अक्सिजन बैंकको  स्थापना गरेको हो ।

 “अहिले धेरै बिरामीहरुलाई अक्सिजनको आवश्यकता भैरहेको छ  र  सबै अस्पतालहरुमा अक्सिजनको अभाव भैरहेको छ ।” किसान सहकारीका महाप्रवन्धक डम्बर बहादुर शाहले भने “व्यक्तिका लागि पहिलो आवश्यकता भनेकै जीवनको रक्षा हो । त्यसैले अक्सिजनको अभावमा कसैको ज्यान नजाओस् भनेर अक्सिजन बैंकको  स्थापना गरेका छौ. ।”

   सहकारीले बीउ पुजीबाट कम्तिमा ४०  सिलिण्डर अक्सिजन खरिद गरेर  अक्सिजन बैंक स्थापना गरेको छ । अक्सिज  आवश्यकता परेका  व्यक्ति र अस्पतालहरुमा उपलव्ध गराइने छ ।

लम्कीमा अक्सिजन बैंकको अस्थापना भए पनि आवश्यकता परेका कैलाली र कन्चनपुरका सबै स्वास्थ्यद संस्थाहरुमा उपलव्ध गराइने महाप्रवन्धक शाहले बताए । “अक्सिजन बैकको शुरुआत मात्र हामीले गरेका हौं । यसमा सबै व्यक्ति र सामाजिक संस्थाहरुको सहभागिताले यसलाई अघि बढाउनछौ. ।”  

  अक्सिजन बैंकमा  सहभागिताका लागि किसान सहकारीले सार्वजनिक रुपमा नै आव्हान गरेको छ । सहकारीद्धारा जारी गरिएको सुचनामा इच्छुक व्यक्ति र संस्थाहरुले ग्लोबल आइएमइ बैंकको लम्की शाखामा रहेको खातामा  र इसेवा मार्फत  सहभागिता हुन सक्ने जनाइएको छ ।

  महाप्रवन्धक शाहले सार्वजनिक उत्तरदायित्वको भावना अनुरुप अहिले अक्सिजन बैंकको स्थापना गरिएको र कोरोनाको संक्रमण सकिएपछि पनि आवश्यकतका आधारमा अहिले स्थापना गरिएको कोषको रकमा सामाजिक काममा सदुपयोग गरिने बताए ।