कोरोना संक्रमित आयुर्वेदिक स्वास्थ्य कार्यालय दार्चुलाका प्रमुख जोशीको निधन

बैतडी

जिल्ला आयुर्वेदिक स्वास्थ केन्द्र दार्चुलाका कार्यालय प्रमुख लोकेन्द्र जोशीको कोरोना संक्रमणका कारण मृत्यु भएको छ ।

बैतडीको दोगडाकेदार गाउँपालिका रीम घर भएका जोशीको शनिबार बिहान सेती प्रादेशिक अस्पताल धनगढीमा मृत्यु भएको हो ।

केहि दिन पहिले धनगढीमा कोरोना पुष्टि भएपछि ४५ वर्षीय जोशी  सेती प्रादेशिक अस्पतालमा उपचाररत  थिए ।

गत हप्ता भारतको दिल्ली गएका जोशीलाई भारतबाट फर्किएपछि धनगढीमा कोरोना संक्रमण पुष्टि भएको उनका आफन्त माधवप्रसाद लेखकले जानकारी दिए  ।