कोरोना संक्रमित वडा अध्यक्षको बाटोमै मृत्यु

बाजुरा । कोरोनको संक्रमाणको उपचारका लागि डडेल्धुरा लैजाने क्रममा बाजुराका एक जना वडा अध्यक्षको बाटोमै मृत्यु भएको छ । बडीमालिका नगरपालिका वार्ड नम्बर ९ का अध्यक्ष विनोद कुमार वि क लाई डडेल्धुरा लैजाने क्रममा साफेबगरमा मृत्यु भएको आफन्त राजेश वि क ले बताए ।

बाजुरा जिल्ला अस्पातलको आइसोलेसनमा उपचार गराइरहेका वि क को थप उपचारका लागि शनिबार डडेल्धुरा पठाइएको थियो ।

 बाजुरा जिल्ला अस्पतालमा भ्यान्टिलेटर र आइसीयु नहुँदा थप उपचारका लागि जिल्ला अस्पताल बाजुराले डडेल्धुरा रिफर गरेको थियो । 

वि क का अनुसार जीपमा उपचारका लागि साफे पुरयाएको  अवस्थामा बीच बाटोमा सास फेर्न गाह्रो भएपछि बाटोमै  मृत्यु भएको हो ।

बाजुरा जिल्ला अस्पतालमा दुई वटा भ्यान्टिलेटर र दुई वटा आइसीयु भए पनि जनशक्ति अभावका कारण संचालन हुन सकेका छैनन् ।