कैलालीका अस्पतालमा कोरोना संक्रमित ६ जनाको मृत्यु

धनगढी । कैलालीका तीन अस्पतालमा  कोरोना संक्रमित थप ६ जनाको मृत्यु भएको छ । धनगढी स्थित सेती प्रादेशिक अस्पताल, टीकापुर अस्पताल र धनगढीकै एक निजी अस्पतालमा उनीहरुको मृत्यु भएको हो ।

जिल्ला प्रशासन कार्यालय कैलालीका सूचना अधिकारी शिवराज जोशीका अनुसार सेती प्रादेशिक अस्पतालमा उपचाररत धनगढी उपमहानगरपालिका–४ की ४५ वर्षीय महिला, धनगढीकै वडा नम्बर १८ की ५० वर्षीया महिला र कञ्चनपुरको भीमदत्त नगरपालिका–१८ की ६० वर्षीया महिलाको शनिबार राति मृत्यु भएको हो ।

यस्तै, टीकापुर अस्पतालमा उपचाररत टिकापुर नगरपालिका–१ का ५० वर्षीय पुरूष र सोही नगरपालिकाका ५० वर्षकै पुरूषको मृत्युु भएको जोशीले बताए । धनगढीको एक निजी अस्पतालमा उपचाररत कैलालीको लम्किचुहा नगरपालिका–९ का ४३ वर्षीय पुरूषको पनि शनिबार राति मृत्यु भएको उनले बताए ।