धनगढी उपमहानगरपालिकामा १५५५ जनामा कोरोना संक्रमण

धनगढी ।  कोरोनाको दोश्रो लहर शुरु भएपछि धनगढी उपमहानगरपालिकामा हालसम्म १ हजार ५ शय ५५ जनामा  कोरोना संक्रमण भएको छ । संक्रमित मध्य हालसम्म ४ शय ६७ जना निको भएका छन् भन १ हजार ८८ जना अझै कोरोना संक्रमणको सामाना गरिरहेका छन् ।

“अझै पनि ठुलो संख्या संक्रमित अवस्थामै छ ।”  धनगढी उपमहानगरपालिका स्वास्थ्य महाशाखाका स्वास्थ्य निरीक्षक एवम कोरोना फोकल पर्सन लक्ष्मी राज उपाध्यायले भने “संक्रमित मध्य धेरै जसो होम आइसोलेसनमै छन् ।”

धनगढीमा सबै भन्दा बढी वार्ड नम्बर ५ मा ४ शय ६ जनामा कोरोना संक्रमण भएको छ  भने सबै भन्दा कम वार्ड नम्बर १५ मा २ जनामा मात्र कोरोना संक्रमण पुष्टि भएको छ ।    वार्ड नम्बर ५ का संक्रमित मध्य २ शय ७६ जना सक्रिय संक्रमित हुन् । त्यमध्य ९२ जनामा शनिबार मात्र कोरोना संक्रमण पुष्टि भएको हो ।

वार्ड नम्बर १५ का संक्रमित दुवै जना अझै निको भैसकेका छैनन् ।

वार्ड नम्बर ५ पछि धेरै संक्रमित हुने वार्ड नम्बर १ हो । वार्ड नम्बर १ मा शनिबारसम्म २ शय ३९ जनामा कोरोना संक्रमण पुष्टि भएको छ । जसमध्य १ शय ७९ जना सक्रिय संक्रमित हुन् । त्यसमध्य ३६ जनामा शनिबार मात्र संक्रमण पुष्टि भएको हो  ।

त्यस्तै वार्ड नम्बर २ मा शनिबार मात्र पुष्टि भएका ३९ जना सहित २ शय १६ जनामा कोरोना संक्रमण भएको छ । त्यसमध्य  १ शय जना अझै सक्रिय संक्रमित हुन् ।

 वार्ड नम्बर ४ मा शनिबार पुष्टि भएका ३६ सहित २ शय ५ जनामा कोरोना संक्रमण भएको छ  । त्यसमध्य १ शय ४८ जना सक्रिय संक्रमित छन् ।

 त्यस्तै वार्ड नम्बर ३ मा शनिबार पुष्टि भएका ४२ जना सहित २ शय २ जनामा संक्रमण भएको छ । त्यसमध्य १ शय २६ जना सक्रिय संक्रमित छन् ।

 स्वास्थ्य शाखाका अनुसार वार्ड नम्बर ६ मा ४३ जना, वार्ड नम्बर ७ मा ४७ जना, वार्ड नम्बर ८ मा ९३ जना, वार्ड नम्बर ९ मा ५ जना, वार्ड नम्बर १० मा ४ जना, वार्ड नम्बर ११ मा ९ जना, वार्ड नम्बर १२ मा १३ जना, वार्ड नम्बर १३ मा २४ जना संक्रमित भएका छन् ।

 त्यस्तै  वार्ड नम्बर १४ मा ११ जना, वार्ड नम्बर १६मा ५ जना, वार्ड नम्बर १७ मा ४ जना, वार्ड नम्बर १८ मा १२ जना र वार्ड नम्बर १९ मा ३ जना र १२ वार्ड नखुलेका संक्रमित भएका छन् ।