पछिल्लो २४ घण्टामा सेती प्रादेशिक अस्पतालमा कोरोना संक्रमित ७ जनाको मृत्यु

धनगढी । सेती प्रादेशिक अस्पताल धनगढीका पछिल्ला २४ घण्टामा उपचाररत कोरोना संक्रमित ७ जनाको मृत्यु भएको छ । मृत्यु हुनेमा धनगढी उपमहानगरपालिकाका २ जना, पुनर्वास नगरपालिकाका २ जना, गोदावरी नगरपालिका, भीमदत्त नगरपालिका र लम्कीचुहा नगरपालिकाका १।१ जना रहेका छन् ।

   सेती प्रादेशिक अस्पताल धनगढीका सुचना अधिकारी दिलिप श्रेष्ठका अनुसार अस्पतालमा उपचारका क्रममा धनगढी उपमहानगरपालिका वार्ड नम्बर ४ की ३५ बर्षीय महिलाको शनिबार राति ८ बजेर ५५ मिनेटमा र धनगढी वार्ड नम्बर १८ का ५० बर्षीय पुरुषको शनिबार राति करिब ११ बजे मृत्यु भएको हो ।

त्यस्तै पुनर्वास नगरपालिका वार्ड नम्बर ११ का ७४ बर्षीय एक पुरुषको आइतबार बिहान सवा नौ बजे र पुनर्वास नगरपालिका वार्ड नम्बर ६ का एक पुरुषको पनि शनिबार बिहान नौ बजे उपचारकै क्रममा मृत्यु भएको हो ।

   सेती अस्पतालमा उपचारमा रहेका भीमदत्त नगरपालिका वार्ड नम्बर १८ का ६० बर्षीय पुरुषको शनिबार राति करिब ८ बजे, लम्कीचुहा नगरपालिका वार्ड नम्बर ९ का ४२ बर्षीय पुरुषको शनिबार दिउसो साढे ३ बजे र गोदावरी नगरपालिका वार्ड नम्बर २ का ५८ बर्षीय पुरुषको आइतबार बिहान सवा तीन बजे मृत्यु भएको सुचना अधिकारी श्रेष्ठले बताए । 

  सेती प्रादेशिक अस्पतालको अस्थायी कोभिड अस्पतालमा अहिले ५४ जना र इमरजेन्सी वार्डमा पुरुष २५ र महिला ९ गरि ३४ जनाको उपचार भैरहेको छ ।

  सेती अस्पतालमा ५ जनाको भेन्टिलेरमा, १८ जनाको आइसीयुमा उपचार भैरहेको छ । पछिल्लो २४ घण्टामा २ जना निको भएका छन् भने ३ जना नयाँ बिरामी भर्ना भएका छन् ।