२ शय ७३ जनामा कोरोना पुष्टि,  धनगढीका ४४ जना

धनगढी       सेती प्रादेशिक अस्पताल धनगढीमा गरिएको परिक्षणमा २ शय ७३ जनामा कोरोना संक्रमण पुष्टि भएको छ । पछिल्लो २४ घण्टामा गरिएको परिक्षणमा कोरोना पुष्टि भएका मध्य धनगढी उपमहानगरपालिकाका  ४४ जना  रहेका छन् ।

सेती प्रादेशिक अस्पतालका सुचना अधिकारी दिलिप श्रेष्ठका अनुसार ५ शय ६४ जनाको परिक्षण गरिएकोमा धनगढीका  धनगढी उपमहानगरपालिका बाहेकका कैलालीका अन्य पालिकाहरुका २ शय ६ जनामा संक्रमण पुष्टि भएको छ ।

संक्रमण पुष्टि हुने मध्य कैलाली बाहेकका जिल्लाका  १० जना रहेका छन् ।

सेती प्रादेशिक अस्पतालको अस्थायी कोभिड अस्पतालमा अहिले ४७ जना रहेकोमा  ५ जनाको भेन्टिलेरमा, २० जनाको आइसीयुमा उपचार भैरहेको छ ।