सेती प्रादेशिक अस्पतालमा कोरोना संक्रमित ८ जनाको मृत्यु

धनगढी । सेती प्रादेशिक अस्पताल धनगढीमा पछिल्ला २४ घण्टामा ८ जना कोरोना संक्रमितको मृत्यु भएको छ । मृत्यु हुनेमा ७ पुरुष र १ महिला रहेका छन् ।

सेती प्रादेशिक अस्पताल धनगढीका सुचना अधिकारी दिलिप श्रेष्ठका अनुसार अस्पतालमा उपचारका क्रममा कैलालीको धनगढी उपमहानगरपालिका वार्ड नम्बर ४ का  ५१ बर्षीय पुरुषको शुक्रवार बिशान ४ बजे, धनगढी ४ कै ५६ बर्षीय पुरुषको बिहीवार राति ११ बजेर ४० मिनेटमा, धनगढी २ का ३३ बर्षीय पुरुषको बिहीवार राति ८ बजे मृत्यु भएको हो ।

त्यस्तै दार्चुलाको मार्मा गाउपालिका वार्ड नम्बर ५ का ४० बर्षीय पुरुषको शुक्रवार बिहान ७ बजे, लम्कीचुहा नगरपालिका वार्ड नम्बर ७ का ४५ बर्षीय पुरुषको बिहीवार राति ८ बजे, कन्चनपुरको पुनर्वास नगरपालिका वार्ड नम्बर ६ का ३८ बर्षीय महिलाको शुक्रवार बिहान साढे चार बजे, बेलौरी नगरपालिका वार्ड नम्बर ११ का ३८ बर्षीय पुरुषको शुक्रवार बिहान सवा पाच बजे र गोदावरी नगरपालिका वार्ड नम्बर २ का ७३ बर्षीय पुरुषको बिहीवार राति सवा एघार बजे मृत्यु भएको हो ।

सेती प्रादेशिक अस्पतालको अस्थायी कोभिड अस्पतालमा अहिले ६७ जनाको उपचार भैरहेको छ । सेती अस्पतालमा ५ जनाको भेन्टिलेरमा, २० जनाको आइसीयुमा उपचार भैरहेको छ ।

सेती प्रादेशिक अस्पतालको कोभिड अस्थायी  कोराना उपचार केन्द्रमा ९८ जनाको उपचार भैरहेको छ । भर्ना भएका मध्य २ जनाको भेन्टिलेटरमा र १६ जनाको आइसीयुमा उपचार भैरहेको छ भने ८० जनालाई अक्सिजन सेवा प्रदान भैरहेको छ ।