बैतडीमा निषेधाज्ञा जेठ १७ सम्म थप भयोे

बैतडी ।  बैतडी जिल्ला जारी निषेधाज्ञा जेठ १७ गतेसम्म थप गरिएको छ । बैतडीका प्रमुख जिल्ला अधिकारीले १७ दिन थप गरेपछि निषेधाज्ञा जेठ १७ सम्म लम्बिएको हो ।

जिल्लामा कोरोना भाईरसको संक्रमण तीव्र गतिमा फैलिरहेकाले संक्रमण रोक्नका लागि  निषेधाज्ञा जारी राख्ने निर्णय भएको प्रमुख जिल्ला अधिकारी राजेन्द्रदेव पाण्डेले जानकारी दिए ।

वैशाख २०  लागु गरिएको निषेधाज्ञा जेठ २ गम्म जारी छ । जिल्ला कोभिड संकट व्यवस्थापन केन्द्रको सिफारिशमा निषेधाज्ञा थप गर्ने निर्णय भएको हो ।

निषेधाज्ञाको समयमा सवारी साधन आवागमनमा पूर्ण रोक लगाइनेछ भने अनावश्यक कसैले पनि हिडडुँल गर्न पाइने छैन । खाद्यान्न तथा तरकारी पसल बिहान ७ देखि ९ बजे सम्म मात्रै खोल्न पाइनेछ । यसअघि बिहान १० बजेदेखि पसल खोल्ने पाइने निर्णयमा थप कडाई गरिएको हो ।

सूचना अधिकारी खगेन्द्र भारतीले भने विवाह, ब्रतबन्ध जस्ता कार्यहरु थोरै मानिसको सहभागितामा जिल्ला प्रशासन कार्यालयको समन्वयमा गर्न जानकारी दिए ।