उपेन्द्र यादब पक्षको बैठक बस्दै, ठाकुर पक्षलाई जानकारी छैन

काठमाण्डौं । दुवै पक्षले छुट्टाछुट्टै अभ्यास गरिरहेको जनता समाजवादी पार्टी (जसपा ) का अध्यक्ष उपेन्द्र यादव पक्षको आज शनिवार दिउँसो १ बजे को केन्द्रीय कार्यकारिणी समिति बैठक बोलाइएको छ । तर उक्त बैठकबारे पार्टीकै महन्थ ठाकुर पक्षलाई जानकारी गराइएको छैन ।

समसामयिक बिषयमा छलफलका लागि उपलब्ध कार्यकारिणी समिति सदस्यहरुको बैठक बोलाइएको यादब पक्षीउ नेता कार्यकारिणी समिति सदस्य रामसहाय यादवले बताए ।

उपलब्ध कार्यकारिणी समितिका सदस्यलाई बोलाइएको छ ।’ उनले भने,  ‘बैठकमा समसामयिक राजनीतिक विषयमाथि छलफल र समीक्षा गरिनेछ ।’

पार्टीका अर्का अध्यक्ष महन्थ ठाकुर र राजेन्द्र महतो पक्षका सदस्यलाई बैठकबारे जानकारी दिइएको छैन । ठाकुर पक्षीय कार्यकारिणी समिति सदस्य केशव झाले कार्यकारिणी बैठकको कुनै सूचना नआएको जानकारी दिए ।

प्रधानमन्त्री केपी शर्मा ओलीले विश्वासको मत लिने विषय र नयाँ सरकार गठनका विषयमा विभाजित बनेको जसपामा अध्यक्ष ठाकुर र यादव पक्ष छुट्टाछुट्टै अभ्यास गरिरहेका छन्  । यसअघि लुम्बिनी प्रदेश सरकारमा सहभागी भएका ४ जना प्रदेश सांसदलाई अध्यक्ष यादव पक्षले एकलौटी कारवाही गरेको आरोप लागेको थियो ।