घोडोघोडीमा पनि क्वारेन्टिनबाट घर गएका ११ जनामा कोरोना पुष्टि

सुखड

  कैलालीको घोडाघोडी नगरपालिकामा क्वारेन्टिनबाट घर फर्किसकेका  ११ जनामा कोरोना संक्रमण पुष्टि भएको छ । राष्ट्रिय जनस्वास्थ्य प्रयोगशालामा शनिबार गरिएको परिक्षणमा ११ जनामा कोरोना पुष्टि भएको घोडाघोडी नगरपालिकाका स्वास्थ्य शाखा प्रमुख मीन धामीले बताए  ।

  नया संक्रमित थपिएसँगै घोडाघोडी नगरपालिकामा कोरोना संक्रमितको संख्या ३२ पुगेको छ । यसअघि नै  घोडाघोडीको वडा ११ मा १ जना संक्रमित फेला परेका थिए ।

  राष्ट्रिय जनस्वास्थ्य प्रयोगशालामा शुक्रबार गरिएको परिक्षणमा पनि घोडाघोडीका २० जनामा कोरोना पुष्टि भएको थियो । उनीहरु पनि १० दिन अघि क्वारेन्टिनबाट घर फर्किसकेका छन् ।

    नगरपालिकाले आईसोलेशनमा रहेका ७० जनाको स्वाव संकलन गरी पठाएको थियो  ।