सेती अस्पतालमा ५५५ जनामा कोरोना पुष्टि,  धनगढीका मात्रै २७२ जना

धनगढी । सेती प्रादेशिक अस्पताल धनगढीमा गरिएको परिक्षणमा ५ शय ५५ जनामा कोरोना संक्रमण पुष्टि भएको छ । पछिल्लो २४ घण्टामा गरिएको परिक्षणमा कोरोना पुष्टि भएका मध्य कैलाली जिल्लाका  ५ शय ३५ जना  रहेका छन् ।

सेती प्रादेशिक अस्पतालका सुचना अधिकारी दिलिप श्रेष्ठका अनुसार ८ शय ३५ जनाको परिक्षण गरिएकोमा धनगढीका १ शय ७० पुरुष र १ शय २ महिला गरि २ शय ७२ जनामा कोरोना संक्रमण पुष्टि भएको हो ।

कोरोना संक्रमण पुष्टि हुनेमा धनगढी उपमहानगरपालिका बाहेकका कैलालीका अन्य पालिकाहरुका १ शय ७५ पुरुष र ८८ महिला गरि २ शय ६३ जना रहेका छन् ।

संक्रमण पुष्टि हुने मध्य कैलाली बाहेकका जिल्लाका १६ पुरुष र ४ महिला गरि २० जना रहेका छन् ।

सेती प्रादेशिक अस्पतालको अस्थायी कोभिड अस्पतालमा अहिले १ शय ८ जना कोरोना संक्रमितहरुको उपचार भैरहेको छ ।

सेती अस्पतालमा १ जनाको भेन्टिलेरमा, १४ जनाको आइसीयुमा उपचार भैरहेको छ । पछिल्लो २४ घण्टामो १६ जना नयाँ बिरामी भर्ना भएका छन् ।