सेती प्रादेशिक अस्पतालमा कोरोना संक्रमित ६ जनाको मृत्यु

धनगढी । सेती प्रादेशिक अस्पताल धनगढीमा पछिल्ला २४ घण्टामा ६ जना कोरोना संक्रमितको मृत्यु भएको छ । मृत्यु हुनेमा गोदावरी नगरपालिकाका तीन जना, धनगढी उपमहानगरपालिका, बर्दगोरिया नगरपालिका र दशरथचन्द नगरपालिकका एक एक जना रहेका छन् ।

सेती प्रादेशिक अस्पताल धनगढीका सुचना अधिकारी दिलिप श्रेष्ठका अनुसार अस्पतालमा उपचारका क्रममा गोदावरी नगरपालिका वार्ड नम्बर १० की ५८ बर्षीय महिलाको शुक्रवार राति आठ बजे, वार्ड नम्बर १ का ४१ बर्षीय पुरुषको शनिबार दिउँसो ३ बजेर २० मिनेटमामा मृत्यु भएको थियो ।

त्यस्तै  कैलालीको बर्दगोरिया  गाउँपालिका वाडए नम्बर २ का ४० बर्षीय पुरुषको शुक्रवार राति साढे सात बजे, धनगढी उपमहानगरपालिका वार्ड नम्बर ५ का ५३ बर्षीय पुरुषको शनिबार बिहान पौने ८ बजे र बैतडी जिल्लाको दशरथ चन्द नगरपालिका वार्ड नम्बर ३६ बर्षीय पुरुषको शनिबार दिउँसो सवा १२ बजे मृत्यु भएको हो ।

सेती प्रादेशिक अस्पतालको अस्थायी कोभिड अस्पतालमा अहिले १ शय ४ जना कोरोना संक्रमितहरुको उपचार भैरहेको छ । सेती अस्पतालमा १ जनाको भेन्टिलेरमा, १४ जनाको आइसीयुमा उपचार भैरहेको छ भने ९० जनालाई अक्सिजन सपोर्ट भैरहेको छ ।