सेती अस्पतालमा ४७५ जनामा कोरोना पुष्टि,  धनगढीका मात्रै १३८ जनामा

धनगढी । सेती प्रादेशिक अस्पताल धनगढीमा गरिएको परिक्षणमा ४ शय ७५ जनामा कोरोना संक्रमण पुष्टि भएको छ । पछिल्लो २४ घण्टामा गरिएको परिक्षणमा कोरोना पुष्टि भएका मध्य धनगढी उपमहानगरपालिकाका  १ शय ३८ जना  रहेका छन् ।

सेती प्रादेशिक अस्पतालका सुचना अधिकारी दिलिप श्रेष्ठका अनुसार ७ शय ४७ जनाको परिक्षण गरिएकोमा धनगढीका ७९ पुरुष र ५९ महिला गरि १ शय ३८ जनामा कोरोना संक्रमण पुष्टि भएको हो ।

कोरोना संक्रमण पुष्टि हुनेमा धनगढी उपमहानगरपालिका बाहेकका कैलालीका अन्य पालिकाहरुका १ शय ७५ पुरुष र १ शय ३ महिला गरि २ शय ७८ जना रहेका छन् ।

संक्रमण पुष्टि हुने मध्य कैलाली बाहेकका जिल्लाका १३ पुरुष र ६ महिला गरि १९ जना रहेका छन् ।

सेती प्रादेशिक अस्पतालको अस्थायी कोभिड अस्पतालमा अहिले १ शय ९ जना कोरोना संक्रमितहरुको उपचार भैरहेको छ ।

सेती अस्पतालमा १ जनाको भेन्टिलेरमा, १५ जनाको आइसीयुमा उपचार भैरहेको छ भने ८९ जनालाई अक्सिजन सपोर्ट भैरहेको छ ।