भारतीय भेरियन्ट फैलिएको पुष्टि : स्वास्थ्य मन्त्रालय

काठमाण्डौ ।  अहिले नेपालमा ‘भारतीय भेरियन्ट’को कोरोना फैलिएको पुष्टि भएको छ । भारतमा रहेको बिश्व स्वास्थ्य संगठनको मान्यता प्राप्त ल्याबमा गरिएको परिक्षणमा भारतीय  भेरियन्ट नै नेपालमा फैलिएको पुष्टि भएको हो ।

गत साता देशका विभिन्न स्थानबाट संकलन गरिएका ३५ नमुनाको भारतस्थित ल्याबमा जिन सिक्वेन्सिङ गरिएको थियो ।

स्वास्थ्य तथा जनसंख्या मन्त्रालयका अनुसार  मंगलबार प्राप्त नतिजा अनुसार ९७ प्रतिशत अर्थात ३४ वटा नमुनामा बी १।६१७।२ र तीन प्रतिशत अर्थात एउटा नमुनामा बी १।६१७।१ पुष्टि भएको छ ।

यो दुवै भेरियन्ट पहिलो पटक भारतमा भेटिएकाले ‘भारतीय भेरियन्ट’ पनि भनिन्छ । हालसम्म बी १।६१७।१ विश्वका ३४ देशमा भेटिएको छ भने बी १।६१७।२ विभिन्न १० देशमा भेटिएको छ ।

दुवै भेरियन्टलाई विश्व स्वास्थ्य संगठनले नै विश्वव्यापी भेरियन्ट अफ कन्सर्न घोषणा गरेको छ ।

यो सबै समेर समूहमा धेरै संक्रामक र जोखिमपूर्ण रहेको अध्ययनहरुमा पाइएको स्वास्थ्य मन्त्रालयले बताएको छ ।