सेती प्रादेशिक अस्पतालमा ४६४ जनामा कोरोना संक्रमण पुष्टि, ४ जनाको मृत्यु

धनगढी । सेती प्रादेशिक अस्पताल धनगढीमा गरिएको परिक्षणमा ४ शय ६४ जनामा कोरोना संक्रमण पुष्टि भएको छ भने सोही अवधिमा अस्पतालमा उपचाररत ४ कोरोना संक्रमितके मृत्यु भएको छ ।

 पछिल्लो २४ घण्टामा ८ शय ४६ जनाको स्वाब परिक्षण गरिएकोमा  ४ शय ६४ जनामा संक्रमण भेटिएको सेती प्रादेशिक अस्पतालका सुचना अधिकारी दिलिप श्रेष्ठले जानकारी दिए ।

सेती अस्पतालमा  हाल १ शय ३ जना कोरोना संक्रमितहरुको उपचार भैरहेको छ ।  पछिल्लो २४ घण्टामा ११ जना निको भएर घर फर्र्किएका छन् ।

पछिल्लो २४ घण्टामा १३ जना कोरोना संक्रमणका नयाँ बिरामीहरु सेती अस्पतालमा भर्ना भएका छन् ।