बैतडी जिल्ला अस्पताललाई दशरथचन्द नगरपालिकाद्धारा अक्सिजन कन्सन्ट्रेटर हस्तान्तरण

बैतडी । बैतडी जिल्ला अस्पताललाई बैतडीको दशरथचन्द नगरपालिकाले एक थान अक्सिजन कन्सन्ट्रेटर हस्तान्तरण गरेको छ । अक्सिजको अभाव भैरहेको समाचार बाहिर आएपछि नगरपालिकाले बैतडी अस्पताललाई अक्सिजन कन्सन्ट्रेटर खरीद गरेर अस्पताललाई हस्तान्तरण गरेको हा ।

नगरपालिकाकी उपप्रमुख मीना चन्दले भनिन् ‘हामीले अक्सिजन कन्सन्ट्रेटर खरीद गरेर शुक्रबार अस्पताललाई हस्तान्तरण गरेका छौं । यसले कोभीडका बिरामीहरुको उपचारमा सहयोग हुने हाम्रो विश्वास छ ।’

जिल्ला अस्पताललाई अक्सिजन कन्सन्ट्रेटर प्राप्त भएपछि कोभीडका बिरामीहरुको उपचारमा सहयोग पुग्ने जिल्ला अस्पताल बैतडीका प्रमुख डा. वसन्तराज जोशीले जानकारी दिए ।