देउवालाई प्रधानमन्त्री बनाउन माग गर्दै १४६ सांसदद्धारा सर्वोच्च अदालतमा रिट दर्ता

काठमाडौँ । कांग्रेस सभापति शेरबहादुर देउवाको प्रधानमन्त्रीमा नियुक्ति र प्रतिनिधि सभा पुनस्थापनाको माग गर्दै  १ शय ४६ सांसदहरुले सर्वोच्च अदालतमा रिट दर्ता गरेका छन् ।

संविधानको धारा ७६ (५)  अनुसार देउवालाई प्रधानमन्त्रीमा नियुक्त गर्न माग गरिएको  छ  ।

कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल पचण्ड, एमालेका वरिष्ठ नेता माधवकुमार नेपाल, जसपाका अध्यक्ष उपेन्द्र यादव लगायत सांसदहरु अदालत पुगेका हुन् ।

रिट निवेदनमा एमालेको माधव नेपाल पक्षका २३ सांसदले हस्ताक्षर गरेका छन् । वैशाख २७ गते ओलीले विश्वासको मत लिँदा २७ जनाले अनुपस्थित भइ असहयोग गरेका थिए । शुक्रबार देउवालाई प्रधानमन्त्री नियुक्त गर्न माग गर्दै राष्ट्रपतिलाई सुझाइएको पत्रमा नेपाल पक्षका २७ जनाले हस्ताक्षर गरे पनि रिट निवेदनमा हस्ताक्षर गर्नेको स।खय घटेको हो ।

त्यस्तै जसपाको उपेन्द्र यादव पक्षका १२ जना सांसदले रिट निवेदनमा हस्ताक्षर गरेका छन् । काग्रेसका ६१, माओवादी केन्द्रका ४९, जसपाका १२, एमालेका २३ र जनमोर्चाका १ गरी १४६ जनाको हस्ताक्षर जुटेको छ ।

रिटमा संसद विघटन गर्न सिफारिस गर्ने मन्त्रिपरिषको निर्णय खारेज गरी संसद अधिवेशनको मिति तोक्नुपर्ने र संविधानको धारा ७६ ९५० अनुसार शेर बहादुर देउवालाई प्रधानमन्त्री नियुक्त गर्न परमादेश दिनुपर्ने माग गरिएको छ ।