पहुच भन्दा टाढा रहेको र बढी संक्रमित रहेका वडामै पुगेर एन्टिजेन  परिक्षण

धनगढी उपमहानगरपालिकाले पीसीआर परिक्षणबाट टाढा रहेका र संक्रमण बढी देखापरेका वडाहरुमा ट्रेसिङ गरेर एन्टिजेन परिक्षण गर्न शुरु गरेको छ ।

परिक्षणबाट कोही पनि नछुटुन्  र कोरोनाको जोखिम नबढोस् भनेर टोलटोलमा परिक्षण गर्न शुरु गरिएको धनगढीउपमहानगरपालिकका जनस्वास्थ्य निरीक्षक लक्ष्म राज उपाध्यायले बताए ।

‘जुन समुदायको पीसीआरमा पहुचन छैन र जुन  जुन समदायमा संक्रमण बढी छ ।’ जनस्वास्थ्य निरीक्षक उपाध्यायले भने – ‘ती समुदयमै गएर एन्टिजेन परिक्षण शुरु गरेका छौं ।’

शुरुआतमा धनगढी उपमहानगरपालिकाको वाड नम्बर १७ को समुदायमा पुगेर ५३ जनाको एन्टिजेन परिक्षण गरिएको हो । परिक्षण गरिएका मध्य ३ जनामा पोजिटिभ देखिएको छ ।  

 ‘वडाहरुमा कोरोना संक्रमण भएका व्यक्तिहरुको सम्पर्कमा आएका व्यक्तिहरुको खोजी  गरेर उनीहरुको एन्टिजेन बिधिबाट कोरोना जाँच गछौं ।’ उपाध्याय भने–

‘रिपोर्ट आउन कुर्न नपरोस् भने एन्टिजेन परिक्षण गरिरहेका हौ ।’ यो कार्य निरन्तर भैरहने उपाध्यायले बताए । 

अहिले लक्षण देखिएका व्यक्तिहरु मात्र  पीसीआर परिक्षणगराउन आएको तर संक्रमितको वरिपरि सम्पर्कमा आएका तर घरमै लुकेर बसेका कारण तिनीहरुको पहिचान गर्न जरुरी रहेको उपाध्यायले बताए ।  टोलमै गएर एन्टिजेन गर्दा त्यस्ता व्यक्तिहरुको पनि जाच हुने उपाध्यायले बताए  ।

उपमहानगरपालिकाले एन्टिजेनमा पोजिटिभ देखिएका, भारतबाट आउने मालबाहक सवारी साधनका चालकहरु र होम आइसोलेसनमा  बसिरहेका व्यक्तिहरुलाई  स्वास्थ्य किट बस्क दिइरहेको छ । किटबक्समा मास्क, औषधी, सुचना सामाग्री, ब्रश, मन्जन, सेनिटाइजर छन् ।