कैलालीमा थप एक स्वास्थ्यकर्मीमा कोरोना संक्रमण

धनगढी

कैलालीमा थप एक स्वास्थ्यकर्मीमा कोरोना संक्रमण पुष्टि भएको छ ।

जानकी गाउँपालिका वडा नम्बर ८ मा रहेको पथरिया स्वास्थ्य चौकीमा कार्यरत २८ वर्षीया स्वास्थ्यकर्मीमा कोरोना संक्रमणको पुष्टि भएको हो । स्वास्थ्य चौकीमा कार्यरत उनी अनमी हुन् ।

यस अघि कैलालीमै सेती प्रादेशिक अस्पतालको कारोना उपचार केन्द्रमा कार्यरत स्टाफ नर्समा पनि कोरोना संक्रमण पुष्टि भएको थियो ।

गाउँपालिकाको स्वास्थ्य शाखाका अनुसार धनगढी प्रयोगशालामा गरिएको परीक्षणमा ती अनमीमा कोरोना पुष्टि भएको हो । कारोना संक्रमण पुष्टि भएपछि उनलाई टीकापुर अस्पतालको आईसोलेसनमा राखिएको छ ।

उनी भारतबाट फर्किएर क्वारेन्टिनमा बसेकाहरुको आरडिटी तथा तापक्रम परीक्षणमा खटिएकी थिईन् ।