मजदुरका लागि राहत प्याकेज घोषणा गर्न कांग्रेस संसदिय दलको माग

धनगढी । नेपाली  काग्रेस सुदुरपश्चिम प्रदेश संसदिय  दलले  निषेधाज्ञाले मारमा परेका मजदुरहरुका लागि राहत प्याकेज ल्याउन सरकारसँग माग गरेको छ ।

दैनिक ज्ज्यालादारी गरेर खाने वर्ग निषेधाज्ञाका कारण सबै भन्दा बढी  प्रभावित हुन पुगेका कारण उनीहरुका लागि  तत्काल राहतका प्याकेज ल्याउन  आज (आइतबार)  बसेको संसदिय दले माग गरेको हो ।

सरकार मजदुरका समस्याप्रति जिम्मेवार नदेखिएको भन्दै संसदीय दलका नेता डा. रण बहादुर रावलले  यसबारेमा सुदुरपश्चिम सरकारको ध्यानाकर्षण गराउने निर्णय भएको बताए  ।

रावलले अगामी वर्षको नीति तथा कार्यक्रम र बजेट कोरोना भाइरसको रोकथाम तथा नियन्त्रण, सन्तुलित एवंम समयानुकुल ल्याउन समेत सरकारलाई सुझाव दिइने बताए ।