सेती अस्पतालमा १ जनाको मृत्यु, २०१ मा कोरोना संक्रमण पुष्टि

धनगढी । सेती प्रादेशिक अस्पताल धनगढीमा पछिल्लो २४ घण्टामा कोरोना संक्रमित १ जनाको मृत्यु भएको छ भने २ शय १ जनामा कोरोना संक्रमण पुष्टि भएको छ । 

घोडाघोडी नगरपालिका वडा नम्बर  ११ का ७५ बर्षीय पुरुषको मंगलबार दिउसो  एक बजे मृत्यु भएको सेती अस्पतालका  सुचना अधिकारी दिलिप श्रेष्ठल जानकारी दिए ।

श्रेष्ठका अनुसार पछिल्लो २४ घण्टामा ८ शय २८ जनाको स्वाब परिक्षण गरिएकोमा २ शय १ जनामा संक्रमण भेटिएको छ ।

सेती प्रादेशिक अस्पतालमा ४४ जना कोरोना संक्रमितको उपचार भैरहेको छ । संक्रमित मध्य आइसीयुमा १४ जनाको र भेन्टिलेटरमा ३ जनाको उपचार भैरहेको छ । 

पछिल्लो २४ घण्टामा २ जना नया बिरामी अस्पतालमा भर्ना भएका छन् भने  ८ जना निको भएर र होम आइसोलेसनमा ९ जना गएका छन् ।