कैलालीमा  बीमा,  बैंक तथा बित्तीय संस्थाहरु दैनिक चार घण्टा खुल्ने

धनगढी । कैलाली जिल्लामा भोलि (जेठ २१ गते) देखि बीमा,  बैंक तथा बित्तीय संस्थाहरु प्रत्येक चार घण्टा खुल्ने भएका छन् ।

कैलालीका प्रमुख जिल्ला अधिकारी खगेन्द्र प्रसाद रिजालले  पाँचौ  पटक जारी गरेको निषेधाज्ञाको आदेशमा बीमा,  बैंक तथा बित्तीय संस्थाहरु दैनिक चार खुल्ने व्यवस्था गरेर निषेधाज्ञा  जेठ ३ गतेसम्म लम्ब्याएका छन् ।

थपिएको निषेधाज्ञा जेठ ३१ गतेदेखि लागु हुनेछ । यसअघि जारी  गरिएको निषेधाज्ञाको आदेश आज (बिहीवार ) राति १२ बजे सकिदैछ ।

भोलि (शुक्रवार) देखि  बीमा,  बैंक तथा बित्तीय संस्थाहरु  बिहान सात बजेदेखि ११ बजेसम्म खुल्नेछन्  ।  बीमा,  बैंक तथा बित्तीय संस्थाहरु ५० प्रतिशत मात्र कर्मचारीहरु राखेर जनस्वास्थ्यका मापदण्डहरु कडाइका साथ पालना गरेर सञ्चालन गर्नु पर्नेछ ।

निषेधाज्ञाको अवधिमा एउटा स्थानीय तहमा  दुई वा सो भन्दा शाखा भएका बीमा,  बैंक तथा बित्तीय संस्थाहरुले बैकल्पिक रुपमा एक मात्र  शाखा खोल्नु पर्ने  निषेधाज्ञाको आदेशम उल्लेख छ ।

गते बैशाख १६ गते पहिलो पटक निषेधाज्ञा शुरु भएको समयदेखि नै बीमा, बैंक तथा बित्तीय संस्थाहरुले राजश्व बाहेकका  कारवोवार प्रविधिको प्रयोगबाट गर्नु पर्ने व्यवस्था गरिएको थियो ।