सेती अस्पतालमा १ जनाको मृत्यु, २२ जनामा कोरोना संक्रमण पुष्टि

धनगढी । सेती प्रादेशिक अस्पतालमा शनिबार कोरोना संक्रमित एक जनाको मृत्यु भएको  छ । अस्पतालको प्रयोगशालामा गरिएको पीसीआर परिक्षामा २२ जनामा कोरोना संक्रमण पुष्टि भएको छ ।

सेती अस्पतालका सुचना अधिकारी दिलिप श्रेष्ठका अनुसार अस्पतालमा उपचाररत कोरोना संक्रमित  धनगढी  उपमहानगरपालिका वडा नम्बर १३ का ८१ बर्षीय पुरुषको  शनिबार दिउसो १ बजे मृत्यु भएको हो । 

अस्पतालको प्रयोगशालामा   १ शय ८९ जनाको स्वाब परिक्षण गरिएको थियो ।  परिक्षणमा संक्रमण पुष्टि हुनेमा धनगढी उपमहानगरपालिकाका  पुरुष ६ र महिला ९ गरि १५ जना, धनगढी बाहेकका कैलालीका पालिकाहरुका  ५ पुरुष र ७ महिला गरि १२  र कैलाली बाहेकका जिल्लाका १ महिला रहेका छन् ।

अस्पतालको अस्थायी कोभिड अस्पतालमा ४९ जना  र इमर्जेन्सीमा ९ जना कोरोना संक्रमितहरुको उपचार भैरहेको छ । भर्ना भएमा मध्य भेन्टिलेटरमा २ जना, आइसीयुमा १५को उपचार भैरहेको छ भने ३३ जनालाई अक्सिजन लिइरहेका छन् ।

पछिल्लो २४ घण्टामा अस्पतालमा २ जना कोरोना संक्रमितको अस्पतालमा भर्ना भएको छ ।