एनबीडब्लुडीएफद्धारा   सशस्त्र प्रहरी र जनपद प्रहरीलाई मास्क र सेनिटाइजर प्रदान

धनगढी । नेपाल भारत वल्र्ड डेभलपमेन्ट फोरम नेपाल  (एनबीडब्लुडीएफ ) ले सशस्त्र प्रहरी र जनपद प्रहरीलाई मास्क र सेनिटाइजर हस्तान्तरण गरेको छ ।

कोरोनाको संकट रहेको बेलामा अग्र भागमा रहेर सुरक्षामा खटिने हुदा काम गर्न सहज होस् भनेर सशस्त्र प्रहरी र जनपद प्रहरीलाई मास्क र सेनिटाइजर प्रदान गरिएको डेभलपमेट फोरम नेपालकी केन्द्रिय सदस्य एवम कैलाली जिल्ला अध्यक्ष निर्मला रिजालले बताइन् ।

एनबीडब्लुडीएफले सशस्त्र प्रहरी बल त्रिनगर बीओपी, सशस्त्र प्रहरी बल डोकेबजार बीओपीर जनपद प्रहरी त्रिनगर प्रहरी चौकीलाई मास्क र सेनिटाइजर प्रदान गरेको हो ।

धनगढी पोष्ट दैनिकको सम्पादक कर्ण शाह, एनबीडब्लुडीएफकी  केन्द्रिय सदस्य एवम कैलाली जिल्ला अध्यक्ष निर्मला रिजाल र जिल्ला खेलकुद बिकास समिति कैलालीका पुर्व अध्यक्ष राजीव गुप्ताले  मास्क र सेनिटाइजर हस्तान्तरण गरेका हुन् ।