सुदूरपश्चिममा बिहीबार ६ जनाको मृत्यु, २२५ जनामा कोरोना संक्रमण पुष्टि

धनगढी । सुदूरपश्चिम प्रदेशमा बिहीबार ६ जनाको मृत्यु भएको छ । प्रदेशभरि गरिएको परिक्षणमा पछिल्ला २४ घण्टामा  २ शय २५ जनामा कोरोना संक्रमण पुष्टि भएको छ ।

स्वास्थ्य निर्देशनालय दिपायलका अनुसार  मृत्यु हुनेमा कञ्चनपुरका २ जना र कैलाली, डडेल्धधुरा, अछाम र बाजुराका १।१ रहेका छन् ।

सुदूरपश्चिम प्रदेशका ५ वटा प्रयोगशालामा २ शय ८२ नमुना पीसीआर तथा ४ वटा सीमानाकामा १ हजार ३८ नमूना ऐन्टिजेन विधिबाट परीक्षण भएका छन् ।

स्वास्थ्य निर्देशनालयका अनुसार सेती प्रादेशिक अस्पताल प्रयोगशालामा १ शय ८८ जनाको नमूना परीक्षण गर्दा ८६ जना, महाकाली अस्पतालमा २९ जनाको नमुना परीक्षण गर्दा २ जना, डडेल्धुरा अस्पतालमा २० जनाको नमूना परीक्षण गर्दा ८ जना, डोटी अस्पतालमा १८ जनाको नमूना परीक्षण गर्दा ४ र बैतडी अस्पतालमा २७ जनाको परिक्षण गर्दा ३ जनामा संक्रमण पुस्टि भएको छ ।

पछिल्लो २४ घण्टामा २०७ जना संक्रमित निको भई घर फर्किएका छन् ।