युनिक नेपालद्वरा सेती अस्पताललाई स्वास्थ्य सामाग्री हस्तान्तरण

धनगढी  । युनिक नेपाल लघुवित्त वित्तीय संस्था लिमिटेडले आज  (शुक्रवार) सेती प्रादेशिक अस्पताल धनगढीलाई स्वास्थ्य सामाग्री हस्तान्तरण गरेको छ । 

युनिक नेपाल धनगढी शाखाका व्यवस्थापक सन्तकुमार चौधरीले सेती प्रादेशिक अस्पतालका मेसु डा. हेमराज पाण्डेलाईस्वास्थ्य सामाग्री हस्तान्तरण गरेका हुन् ।

कोरोना महामारी नियन्त्रणमा सहयोग पुरयाउनको लागि युनिक नेपाल लघुवित्त वित्तीय संस्था लिमिटेडले संस्थागत सामाजिक उत्तरदायित्व कोषबाट एक लाख बराबरको स्वास्थ्य सामाग्री अनुदान उपलब्ध गराएको शाखा व्यवस्थापक सन्तकुमारले बताए ।  युनिक नेपालले मास्क ३ हजार थान, ग्लोभ १५ सय थान, पीपीई ३० थान र फेस शिल्ड ११० थान हस्तान्तरण गरिएको छ ।

युनिक नेपाल कैलाली, कञ्चनपुर, दाङ, बर्दिया, बाँके, कञ्चनपुर, कपिलवस्तु लगायतका जिल्लामा विपन्न वर्गलाई लघुवित्त कर्जा सेवा उपलब्ध गराउदै आएको छ । कोरोनाको दोस्रो चरण शुरु भएपछि विभिन्न ठाँउमा स्वास्थ्य सामाग्री अनुदान उपलब्ध गराउदै आइरहेको छ ।