चिकित्सकमाथि हातपात गर्ने दुई जना प्रहरी नियन्त्राणमा

दार्चुला । चिकित्किमाथि हातपात गर्न खोजेको आरोपमा प्रहरीले दार्चुलाको गोकुलेश्वर अस्पतालबाट दुई जनालाई नियन्त्रणमा लिएको छ । अस्पतालमा गभर्वती महिलाको अप्रेसनको क्रममा बच्चाको मृत्यु भएको घटनामा चिकित्सकमाति हातपात गर्न खोजेपछि उनीहरुलाईनियन्त्रणमा लिएको प्रहरीले जनाएको छ ।

शैल्यशिखर नगरपालिका वडा नम्बर ९ मा रहेको गोकुलेश्वार अस्पतालबाट  प्रहरीले नियन्त्रणमा लिएकामा बैतडीको डिलाशैनी गाउँपालिका ६ चौंसेराका नरेन्द्र नाथ र लोकेन्द्र नाथ रहेका छन् । 

शनिबार राती शैल्यशिखर नगरपालिका वडा नम्बर १ कि २७ वर्षीया गर्भवती महिला सुत्केरी हुने क्रममा नवजात शिशुको ज्यान गएको थियो । शिशुको अस्पतालको लापरवाहीले ज्यान गएको भन्दै आफन्तहरु आन्दोलित भएका थिए ।

समान्य रुपमा सुत्केरी हुन नसकेपछि ती महिलाको अप्रेशन गरेर बच्चा जन्माइएको थियो । बच्चा पेटभित्रै मरेको चिकित्सकले बताएका छन् । यो घटनामा अस्पतालको कुनै कमजोरी नभएको अस्पताल प्रशासनले जनाएको छ ।

आइतबार दिउँसो गोकुलेश्वर अस्पताल प्रशासन, प्रहरी, पिडित पक्ष र शैल्यशिखर नगरपालिकाका प्रमुख प्रशासकिय सुरेन्द्र बहादुर बिष्ट बीच घटनाका बिषयमा छलफल भैरहेको छ ।