देउवाले भने ‘सच्च्नि तयार छु, सभापतिमा लड्छु ।’

काठमाडौँ ।  नेपाली कांग्रेसका सभापति शेरबहादुर देउवाले आफु निकट नेताहरूसँग आफ्ना कमजोरी अनौपचारिक कार्यक्रममा देखाइ दिन आग्रह गरेका छन् । शनिबार बिहान आफ्नै निवासमा कांग्रेसका आफु निकटका नेताहरूलाई बोलाएर आफु सच्चिन तयार भएकाले औपचारिक कार्यक्रममा भन्दा पनि अनौपचारिक कार्यक्रममा आफ्ना कमीकमजोरी औल्याउन आग्रह गरेका हुन् ।

छलफलमा सहभागी देउवा निकट एक केन्द्रीय सदस्यका अनुसार देउवाले पुन सभापतिमा लड्ने चाहना व्ययक्त गरेका छन् । ‘पार्टीमा मैले गर्नु पर्ने थुप्रै काम बाँकी छन् । पहिले पनि त्यति राम्ररी काम गर्न पाइएन । अबको महाधिवेशनमा पनि मैले उम्मेदवार बन्ने विचार गरेको छु,’ देवाको भनाई उदृत गर्दै  ती नेताले भने । 

छलफलमा राष्ट्रिय प्रजातन्त्र पार्टी परित्याग गरी कांग्रेसमा सहमहामन्त्री बनेका सुनील थापा पनि सहभागी थिए । यस्तै ज्ञानेन्द्रबहादुर कार्की, मीन विश्वकर्मा, भीष्मराज आङ्दम्बे, सीता गुरुङ, रामकृष्ण भट्टराई, बाबुराम बस्नेत, डिला संग्रौला लगायत पनि छलफलमा सहभागी थिए ।

शुक्रबार बसेको कांग्रेस केन्द्रीय कार्यसमिति बैठकले आगामी भदौ १६ देखि १९ गतेसम्म पार्टीको १४ औं महाधिवेशन गर्ने कार्यतालिका पारित गरेको छ ।