खैरो हिरोइन सहित २ जना पक्राउ

धनगढी ।  कन्चनपुरको भीमत्त नगरपालिकाबाट प्रहरीले शनिबार लागु औषध खैरो हिराइन सहित  २ जनालाई पक्राउ गरेको छ ।

बिशेष सुचनाका आधारमा खटिएको प्रहरी टोलीले भमिदत्त नगरपालिका वडा नम्बर ६ शिव मन्दिर नजीकै एउटा मोटरसाइकल  र एउटा स्कुटरमा सवार दुई जनालाई लागु औषध खैरो हिराइन ६ ग्राम ३७ मिलिग्राम सहित  पक्राउ गरिएको जिल्ला प्रहरी कार्यालय कन्चनपुरले जनाएको छ ।

प्रहरीका अनुसार पक्राउ पर्नेमा  भीमदत्त नगरपालिका वडा नम्बर ६ ऐठपुरका २० बर्षीय सागर तिरुवा र सोही ठाउँका २८ बर्षीय महेन्द्र बोहरा रहेका छन् । उनीहरु सवार म २ प २०३३ नम्बरको मोटरसाइकल र म २ प ५३६८ नम्बरको स्कुटर पनि प्रहरीले बरामद गरेको छ ।

पक्राउ परेका दुवै जनाबारे थप अनुसन्धान भैरहेको प्रहरीले जनाएको छ ।