कैलालीमा निजी सवारी साधनमा जोरबिजोर प्रणाली लागु

धनगढी ।  कैलाली जिल्लामा भोलि (असार ८) देखि निजी सवारी साधनहरु जोर बिजोर प्रणालीका आधारमा सञ्चालन हुने भएका छन् । थप खुकुलो  बनाउँदै कैलालीका प्रमुख जिल्ला अधिकारी खगेन्द्र प्रसाद रिजालले असार !% गतेसम्म  लम्ब्याएको निषेधाज्ञाको अवधिमा  निजी सवारी साधनमा सवार हुन सक्ने यात्रुको संख्या पनि निश्चित तोकिएको छ ।

थपिएको निषेधाज्ञाको अवधिमा निजी सवारी साधनहरु कार, जीप, भ्यानमा चालक समेत बढीमा चार जना मात्र, ट्याक्सीमा चालक समेत बढीमा ३ जना मात्र र अटोमा चालक समेत बढीमा तीन जना मात्र सवार गर्न सक्नेछन् ।

अटो, मोटरसाइकल र स्कुटीमा समेत जोरबिजोर प्रणाली लागु गरिएको छ । 

असार ८ गतेदेखि लागु हुने थपिएको निषेधाज्ञा असार १४ गते रातिसम्म लागु हुनेछ । हालसम्म निषेधाज्ञाको अवधिममा निजी सवारी साधनहरु सञ्चालन गर्न दिइएको थिएन ।