लम्कीचुहामा क्वारेन्टिनबाट घर पठाइएका ५८ जनामा कोरोना पुष्टि (लम्कीचुहा नगरपालिकाको बिज्ञप्ति सहित)

धनगढी

   कैलालीको लम्कीचुहा नगरपालिकामा क्वारेन्टिनबाट घर पठाइएका ५८ जनामा कोरोन पुष्टि भएको छ । राष्टिय जनस्वास्थ्य प्रयोगशाला काठमाण्डौमा गरिएको परिक्षणमा लम्की चुहाका  १ महिला र ५७  पुरुषमा कोरोना पुष्टि भएको हो ।

   कोरोना पुष्टि भएको सबै क्वारेन्टिनमा राखेर घर पठाइएको लम्कीचुहा नगरपालिका वडा नं १ र २  का  वासिन्दा हुन् । 

   जेठ २८ गते कारोना परिक्षणका लागि स्वाब पठाईएका ९३ जना मध्य आज ५८ जनामा कोरोना पुष्टि भएको लम्कीचुहा नगरपालिकाले बिज्ञप्ति मार्फत जनाएको छ । क्वारेन्टिनमै रहेको बेला दुई सय ४२ जनामा गरिएको आरडिटी  परिक्षणमा पोजेटिभ आएका ९३ जनाको स्वाब संकलन गरेर पीसीआर बिधिबाट कोरोना परिक्षणका लागि पठाईको थियो । 

   लम्की बहुमुखी क्याम्पस र राधास्वामी सत्संगमा राखिएकाहरुको नतिजा आउन ढिलाई भएपछि घर पठाइएको लम्कीचुहा नगरपालिकालका स्वास्थ्य शाखा प्रमुख जयनती बिसीद्धारा  सोमबार जारी गरेको बिज्ञप्ति जनाइएको छ । क्वारेन्टिनमा बसेको १५ दिन भैसकेको र १५ दिनपछि कोरोना सर्न नसक्ने बिश्व स्वास्थ्य संगठनको निष्कर्ष रहेकोले राष्टिय मापदण्ड अनुसार घर पठाईएको बिज्ञप्तिमा उल्लेख छ ।