बत्ती जाँदा उठ्दैन प्राधिकरणको फोन

धनगढी

 मंगलबार राती धनगढीमा अत्याधिक गर्मि थियो । त्यसैमा विद्युत सेवा अबरुद्ध भइरहेको थियो ।

 गर्मिमा विद्युत नभएपछि सर्वसाधारण प्राधिकरणमा फान गर्न थाले । तर विद्युत प्राधिकरण धनगढी शाखाको नम्बरमा भने पटक–पटक सम्पर्क नभएको भन्ने प्रतिक्रिया आइरहन्थ्यो ।

 विद्युत प्राधिकरणको लेण्डलाईनमा फोन गर्दा सम्पर्क हुन सकेन भन्ने प्रतिक्रिया आएपछि आम नागरिक भने प्राधिकरणले फोन नलाग्ने बनाएको भन्दै आक्रोसित थिए ।

 ‘अत्याधिक गर्मिका कारण पंखा नभइ घर भित्र बस्न सकिने अवस्था छैन’ धनगढी–३ विशालनगरका राजेन्द्र रम्तेलले भने–‘त्यसैमा बत्ती गइरहन्छ, विद्युत प्राधिकरणको फोन कहिल्यै लाग्दैन ।’ प्राधिकरणले फोन नलाग्ने बनाउँदा आफुहरुले बत्ती किन गायो ?, कहिले आउँछ ? भन्ने कुरा बझ्न समेत नपाउने गरेको उनको दुखेसो छ । ‘कुलमान घिसिङ प्राधिकरणमा हुँदासम्म यस्तो समस्या कहिलै आएको थिएन’ उनले भने–‘तर उनि गएपछि भने विद्युत प्राधिकरणको व्यवस्थापन प्रणाली विग्रोको छ ।’ 

 विद्युत प्राधिकरणले भने टेलीकमको लेण्डलाईन सेवा बत्तीगएका वेला बन्द हुने गरेका कारण यस्तो समस्या भएको प्रतिक्रिया दिएको छ । विद्युत प्राधिकरणले उक्त समस्या आफ्नो नभई टेलिकमकै भएको समेत जनाएको छ । नेपाल विधुत प्राधिकरण वितरण शाखा धनगढीका प्रमुख सुरेन्द्र चौधरीले काम विशेषले कुनै ठाउँमा विद्युत अबरुद्ध गर्नपरे सो स्थानको लेण्डलाईन टेलिफोन सेवा स्वतः अबरुद्ध हुने गरेको बताए ।

 ‘मर्मतका लागि विद्युत सेवा अबरुद्ध हुँदा विद्युत प्राधिकरणको फोन सेवा समेत अबरुद्ध हुनेगरेको छ’ शाखा प्रमुख चौधरीले भने–‘यसले ग्राहकलाई समेत अफ्ठ्यारो बनाएको छ ।’

‘विद्युत लाईन अबरुद्ध भएपछि ग्राहकले फोन गर्दा हाम्रो टेलिफोन सेवा बन्द भएको हुन्छ’ उनले भने–‘ग्राहक हामी संग रिसाउँछन्’ तर यो समस्या हामीले निम्त्याएका हैनौं, टेलिकमकै समस्या हो ।’

 बत्ती जाँदा फाइबर चार्ज नहुने भएका कारण टेलिफोन सेवा अबरुद्ध हुनेगरेको नेपाल टेलिकम धनगढी शाखाका शाखा प्रमुख शुरज मल्लले बताए । तर उनले घर अथवा कार्यालयमा इन्भरटर भए राउटरलाई चार्ज गर्दा भने फोन सेवा अबरुद्ध नहुने बताए । ‘फोन सेटको राउटरमा इन्भरटरबाट चार्ज दिएको खण्डमा बत्तीगएका वेलामा समेत फोनसेवा सुचारु भइरहन्छ’ शाखा प्रमुख मल्लले भने–‘यो सवै स्थानको समस्याहो ।’

 तर विद्युत प्राधिकरण धनगढी वितरण शाखा प्रमुख भौधरीले भने आफुहरुलाई इन्भरटर राख्ने अधिकार नभएको बताए । ‘अत्तरियाबाटै विद्युत अबरुद्ध भएमा मात्रै विदुत प्राधिकरणको फोन सेवा अबरुद्ध हुनेगरेको छ’ उनले भने–‘अन्य समयमा यस्तो समस्या हुँदैन, इन्भरटर राख्ने अधिकार भने हामीलाई छैन ।’