सेती अस्पतालमा १९ जनामा कोरोना संक्रमण पुष्टि

धनगढी । सेती प्रादेशिक अस्पताल धनगढीमा बिहीवार १९ जनामा कोरोना संक्रमणको पुष्टि भएको छ ।  अस्पतालमा आरटी पीसीआर बिधिबाट ७५ जनाको कोरोना परिक्षण गरिएको थियो ।

सेती अस्पतालका सुचना अधिकारी दिलिप श्रेष्ठका अनुसार  अस्पतालमा कोरोना संक्रमित २१ जनाको उपचार भैरहेको छ । अस्पतालमा रहेका मध्य ५ जनाको आइसीयु र ३ जनाको भेन्टिलेटरको सहयोगमा उपचार भैरहेको छ ।

पछिल्लो २४ घण्टामा अस्पतालमा उपचाररत छ जना  निको भएर  र होम आइसोलेसनमा गएका छन् भने ७ जना कोरोना संक्रमित अस्पतालमा भर्ना भएका छन् ।