सुदूरपश्चिमका थप ४३ जनामा कोरोना संक्रमण पुष्टि

धनगढी

 सुदूरपश्चिममा सोमबार थप ४३ जनामा कोरोना संक्रमण पुष्टि भएको छ ।

 सुदूरपश्चिम प्रदेश स्वास्थ्य निर्देशनालय डोटीका अनुसार सोमबार तीन सय ४७ जनाको पिसिआर परिक्षण गर्दा १९ तथा ७ सय ८ जनाको एन्टिजेन परिक्षण गर्दा २४ जनामा कोरोना संक्रमण पुष्टि भएको हो ।

 सोमबार सेतीको परिक्षणमा १७, डडेल्धुराको परिक्षणमा १ जना तथा विभिन्न स्थानमा गरिएको एन्टिजेन परिक्षणमा २४ जनामा संक्रमण पुष्टि भएको स्वास्थ्य निर्देशनालय डोटीले जनाएको छ ।

 निर्देशनालयका अनुसार सोमबार सुदूरपश्चिम प्रदेशमा कोरोना संक्रमणका कारण मृत्यु हुनेको संख्या शुन्य रहेको छ ।