रेडपाण्डाको छाला सहित २ जना पक्राउ

धनगढी

 दुर्लभ वन्य जन्तु रेड पाण्डाको छाला सहित २ जनालाई प्रहरीले पक्राउ गरेको छ ।

  रेड पाण्डको छाला ओसार पसार भइरहेको भन्ने गोप्य सूचनाका आधारमा वडा प्रहरी कार्यालय धनगढीमा प्रमुख प्रहरी निरिक्षक हेमराज भट्टको नेतृत्वमा संघिय प्रहरी इकाई कार्यालय महेन्द्र नगरको टोलिले गरेको संयुक्त अनुसन्धाका क्रममा धनगढी उप–महानगरपालिका–४ बोराडाडी स्थित पण्डित मोटर वर्कशपमा लुकाई राखिएको अवस्थामा १ थान रेड पाण्डाको छाला बरामद भएको जिल्ला प्रहरी कार्यालय कैलालीका निमित्त प्रबक्ता प्रहरी निरिक्षक लोकेन्द्र सिंह गुरुले बताए ।

 रेड पाण्डको छाला सहित कञ्चनपुरको शुक्लाफाँटा नगरपालिका–३ घर भएका ३८ बर्षिय मुकेश भट्ट र पण्डित मोटर वर्कशपका सञ्चालक भारतीय ४१ बर्षिय नागरिक गगनदेव पण्डितलाई पक्राउ गरिएको निमित्त प्रबक्ता गुरुले बताए । रेडपाण्डको छाला र पक्राउ परेका दुवै जनालाई डिभिजन वन कार्यालय धनगढीमा बुझाइएको उनले बताए ।

 मंगलबार नै धनगढी–३ बोरोडाँडीबाट ७ ग्राम गाँजा र ४ सय १० मिलिग्राम लागुऔषध जस्तो देखिने रातो पदार्थ सहित दुई जनालाई प्रहरीले पक्राउ गरेको छ ।

 पक्राउ पर्नेमा कञ्चनपुरको कृष्ण्पुर नगरपालिका २ का २१ बर्षिय प्रदिप भण्डारी र शुक्लाफाँटा नगरपालिका–१० का २० बर्षिय शुरेश ऐर रहेका छन् । उनिहरुमाथी आवश्यक छानविन भइरहेको प्रहरीले जनाएको छ ।