सुदुरपश्चिममा ५ महिनाकी बालिका सहित ४९ जनामा कोरोना पुष्टि

धनगढी

 सेती प्रादेशिक अस्पतालमा गरिएको परिक्षणमा पछिल्लो २४ घण्टामा सुदुरपश्चिममा ४९ जनामा कोरोना पुष्टि भएको छ ।  यससँगै सुदुरपश्चिममा कोरोना संक्रमितको संख्या १ हजार २ शय १० पुगेको छ ।

  मंगलबार साढे १२ बजेसम्मको परिक्षणमा कैलालीमा ४४ जना, बाजुरामा १ जना, कन्चनपुरमा १ जना र बझाङमा १ जनामा कोरोना पुष्टि भएको छ ।

  कैलालीको गोदावरी नगरपालिकामा  ५ बषीय बालिका सहित ४४ जनामा कोरोना पुष्टि भएको सेती प्रादेशिक अस्पतालका सुचना अधिकारी दिलिप श्रेष्ठले बताए । गोदावरी नगरपालिकामा  ५ महिनाकी बालिका, ४ बर्षकी बालिका ३ बर्षकी बालिका गरि १५ महिला र ४ बर्षको बालक सहित २९ जना पुरुषमा कोरोना पुष्टि भएको छ । कैलालीकै भजनी नगरपालिकामा १ महिला,  कैलारी गाउँपालिकामा १ महिलामा समेत कोरोना पुष्टि भएको छ ।

  त्यस्तै बाजुरामा २० बर्षीय  १ पुरुष, कन्चनपुरको बेलौरीमा १६ बर्षीय १ पुरुष र बझाङमा १७ बर्षीय १ महिलामा कोरोना संक्रमण भएको छ ।