कैलालीको अत्तरिया क्षेत्रमा बाढी, मोहना र कर्णालीमा पानीको सतह बढ्यो

धनगढी

बिहीबार बिहान देही परेको बर्षाका कारण कैलालीको अत्तरिया क्षेत्र डुवानमा परेको छ, भने कर्णाली र मोहनामा पानीको बहाव बढेको छ ।

जिल्ला प्रहरी कार्यालय कैलालीका अनुसार कैलालीको गोदावरी  नगरपालिकाको वडा नम्बर १ र ४ का दर्जन बढी घर डुवानमा परेका छन् । भालू खोलामा आएको बाढी बस्तीमा प्रवेस गर्दा बनखेतका चार घर र बास्कोटाका १० घर डुबानमा परेका जिलला प्रहरी कार्यालय कैलालीले जननाएको छ ।

जिल्ला प्रहरी कार्यालय कैलालीका प्रबक्ता तथा प्रहरी नायव उपरिक्षक प्रतिक विष्टका अनुसार मनहरा खोलामा आएको बाढी समेत बस्तीमा पसेको छ । महोहरा खोलामा आएको बाढीका कारण गेटा मेडिकल कलेज आसपासको क्षेत्रमा रहेका घरमा पानी पसेको विष्टले बताए ।

बिहीबार बिहान देखी आएको बर्षाका कारण मोहना नदी र कर्णाली नदीमा पानीको बहाव बढेको प्रहरीले जनाएको छ ।

‘कैलालीको चुरे क्षेत्रमा अहिले पनि भारी बर्षा भइरहेको छ’ प्रहरी प्रबक्ता विष्टले भने–‘यसले तराईका अन्य खोलानालामा समेत पानीको बहाव बढ्न सक्ने देख्न्छि, हामी जोखिममा रहेका वस्तीमा गएर नागरिकलाई सचेत गराइरहेका छौं ।’

जल तथा मौसम पूर्वानुमा महाँशाखा काठमाण्डौंकी बरिष्ठ मौसम विद प्रतिमा मानन्धरका अनुसार अहिले सुदूरपश्चिम र कर्णाली प्रदेशमा मनसुन सक्रिय रहेको छ । जसका कारण सुदूरपशिचम र कर्णाका केही स्थानमा बिहीबार र शुक्रबार भारी बर्षाको सम्भावना रहेको छ ।

शनिबार मनसुन थप सक्रिय हुन सक्ने भएकाले अधिकांस स्थानमा भारी बर्षा हुन सक्ने अनुमान गरिएको बरिष्ठ मौसम विद मानन्धरले बताइन् ।