खोलामा बगेर एक किशोरी वेपत्ता

धनगढी

कैलालीमा खोलाले बगाएर एक किशोरी वेपत्ता भएकी छन् ।

जिल्ला प्रहरी कार्यालय कैलालीका अनुसार गोदावरी नगरपालिका–६ लालपुरकी १८ वर्षीया आरती घर्तीमगर स्थानीय गौरीदेवी खोलामा बगेर वेपत्ता भएकिहुन् ।

खोलामा नुहाउने क्रममा उनीसहित अन्दाजी १८ वर्षीया सीता घर्तीमगर खोलामा बगेका थिए । सीतालाई स्थानीयको सक्रियतामा तत्कालै उद्दार गरिएको इलाका प्रहरी कार्यालय मालाखेतीका प्रहरी निरीक्षक उमेर चन्दले बताए । तर सँगै बगेकी आरती भने बेपत्ता रहेको उनले बताए । वेपत्ता किशोरीको खोजी कार्य जारी रहेको प्रहरीले जनाएको छ ।