खोप केन्द्र बढाउन प्रधानमन्त्रीको निर्देशन

धनगढी

नवनियुक्त प्रधानमन्त्री शेरबहादुर देउवाले खोप केन्द्र वृद्धि गरी जनतालाई सहज रुपमा खोप उपलब्ध गराउन निर्देशन दिएका छन् ।

खोप केन्द्रहरू कम हुँदा भिडभाड बढेको गुनासोपछि प्रधानमन्त्री देउवाले शुक्रबार सरकारका मुख्यसचिव शंकरदास बैरागी र स्वास्थ्य सचिव लक्ष्मण अर्याललाई बोलाएर खोप केन्द्र बढाउन निर्देशन दिएका हुन् ।

प्रधानमन्त्री देउवाको सचिवालयले दिएको जानकारीअनुसार खोप केन्द्रमा धेरै लामो लाइन देखिएकोले जनतालाई सहजरुपमा खोप लगाउन पाउने व्यवस्था गर्न आवश्यकता अनुसार खोप केन्द्र थप गर्न प्रधानमन्त्रीले निर्देशन दिएका हुन् ।